هاجم الإعلامي الشهير أحمد موسى حلمي طولان مدرب منتخب مصر الثاني عقب توديع مصر لبطولة كأس العرب.

وخسر منتخب مصر من منتخب الأردن بنتيجة 3-0 مساء الثلاثاء في الجولة الثالثة والأخيرة من دور المجموعات بكأس العرب ليودع الفراعنة البطولة.

وقال أحمد موسى في تصريحات تليفزيونية:" روحنا بطولة العرب بمنتخب تعبان ومفيش مدرب ومفيش لاعيبة ومفيش منظومة ومفيش اتحاد والمنتخب ده كان لازم يرجع من أول ماتش الكويت".

وتابع:" وبالنسبة لحلمي طولان قولت ملقتش دعم من المسئولين، لما أنت محدش بيدعمك ليه روحت البطولة، وكنت طلعت واتكلمت ولا جاي تقول دلوقتي بعد الخروج المهين".

وواصل:" هو إحنا عندنا دوري يا سيادة النائب أحمد دياب، ليه موقفتش الدوري، إحنا أصلا معندناش دوري إحنا بنضحك على بعض، هو حد مهتم بيه، طيب أنا راجل بحب الأهلي والكورة والرياضة معرفش مين الأول والتاني، لسه الزملاء في الكنترول بيقولوا سيراميكا الأول".