علق الإعلامي أحمد شوبير على شكوى الأهلي ضد الحكم السنغالي الذي أدار مباراة ايجل نوار في إياب دور ال32 من دوري أبطال أفريقيا.

وقال شوبير في تصريحات إذاعية:" لو الواقعة دي في أوروبا كان الإيقاف هيترفع والحكم هيتوقف والأمور تنتهي سريعا لكن في أفريقيا لا أضمن لك شيئًا".

وأضاف:" يا راجل ده امبارح حارس مرمى فريق الاتحاد الليبي ضرب صلاح محسن مهاجم المصري، وصلاح مردش عليه بنفس القوة، حاجة نفس اللي حصل مع جراديشار لكن الحكم انذر الحارس وطرد صلاح محسن فالتحكيم الأفريقي في منتهى السوء".

واختتم شوبير:" أتوقع إن الكاف هيكتفوا بإيقاف جراديشار مباراة والحكم ده طبعا هيتوقف، لكن لجنة الحكام في الاتحاد الافريقي اتشالت واللي جايين لسه مش عارفين أي حاجة وأتمنى الأمور تتظبط بقه عشان كده الأمر سخيف جدا".